ვეტერანი იტალიელი მცველი ფრანჩესკო კოლონეზე მატიას დე ლიხტს აკრიტიკებს. მისი განცხადებით, ჰოლანდიელის ადგილზე იტალიელი რომ ყოფილიყო, უკვე სათადარიგო სკამზე დასვამდნენ.
„დე ლიხტი? კატასტროფულია, თავდაცვითი ფაზის დროს ძალიან ცუდად თამაშობს. რასაც ის აკეთებს, იტალიელს რომ გაეკეთებინა, მაშინვე სათადარიგო სკამზე დასვამდნენ. ყოველ თამაშში მისი შეცდომით და ხელებით „იუვენტუსი“ გოლს უშვებს. თუ ასე გააგრძელებს, მალე დემირალი შეცვლის, რომელიც ვფიქრობ ისედაც უფრო კარგი მცველია. დე ლიხტი კი, ცხადია მოუმატებს, მაგრამ ახლა სხვა ჩემპიონებთან შედარება ძალიან ადრეა“, – თქვა კოლონეზემ.