Juventus.Ge ტურინის იუვენტუსის ქართული ფან კლუბი
ტურინის „იუვენტუსის“ მეკარე ჯანლუიჯი ბუფონი არ ბერდება და ფეხბურთის თამაშს აგრძელებს. 42 წლის ჯიჯიმ მაისურების კოლექციის შეგროვებაც დაიწყო და ყოფილი თანაგუნდელების თუ კოლეგების შვილების მაისურების შეგორვებასაც მიჰყო ხელი.
ბუფონმა ამჯერად მაისური პაოლო მალდინის შვილ, დანიელ მალდინის გამოართვა და ჟურნალისტებთან იხუმრა კიდეც.
„ეს მალდინის მაისურია, პაოლოს შვილის. ვთხოვე და ძალიან გამიხარდა, რომ მივიღე, რადგან ჩემს კოლექციაში მაქვს კიეზას და მისი შვილის, ტურამის და მისი შვილის, ვეას და მისი შვილის, მალდინის და მისი შვილის მაისურები. ახლა უკვე მათ შვილიშვილებს ველოდები. როდესაც მათი შვილიშვილები ითამაშებენ, მე ისევ აქ ვიქნები, „სან სიროს“ მოედნის შუაგულში“, – თქვა ბუფონმა.
