კინის მომავალი “იუვენტუსში” გაურკვეველია

მოიზე კინის მომავალი გარკვეული არაა. Tuttosport-ის ცნობით, ნიჭიერი ფეხბურთელი ახალ კონტრაქტსა და დამშვიდობებას შორისაა, ვინაიდან მოქმედი ხელშეკრულება 2020 წლის ზაფხულში ეწურება.

შესაბამისად, საკითხი მარტივად დგას: ან ამ ზაფხულს გააფორმებს ახალ კონტრაქტს, ან გუნდიდან წავა. ფაბიო პარატიჩი ამ საკითხზე აქტიურად მსჯელობს, თუმცა ჯერ საბოლოო გადაწყვეტილება მიღებული არაა.

კინი მოსწონდა მასიმილიანო ალეგრის და მოსწონს მაურიციო სარისაც, მაგრამ საინტერესო შეთავაზებები არსებობს ლივერპულის „ევერტონიდან“ და „აიაქსიდან“. განსაკუთრებით ყურადსაღები ჰოლანდიელთა ვარიანტია, რადგან არაა გამორიცხული მატის დე ლიხტის ტრანსფერში ჩართონ.

წესით ყველაფერს ნათელი მიმდინარე თვეში უნდა მოეფინოს. ბოლოსკენ შეგახსენებთ, რომ 2019 წელი კინისთვის წარმატებულია და გასულ სეზონში „იუვეს“ მაისურით 17 მატჩში 7 გოლი გაიტანა. იტალიის ნაკრებს კი ორი გოლით დაეხმარა.