კინი: “მზად ვარ!”

ტურინის „იუვენტუსის“ თავდამსხმელი მოიზე კინი სათამაშოდ მზადაა. როგორც ნიჭიერი ფეხბურთელი ამბობს, თავდაუზოგავად ვარჯიშობს, რომ შანსი მიიღოს.

„დებიუტი ემოციური იყო, იღბლიანი ვარ. ჩემთვის „აძურას“ მაისური ბევრს ნიშნავს და ნამდვილად მაინტერესებს მისი ჩაცმა. ბალოტელის მადარებენ? – არ ვიცი რატომ, რადგამ განსხვავებული ვარ. თუმცა, მარიო ძალიან კარგი ბიჭია. „იუვე“? – ყოველთვის მზად ვარ სათამაშოდ, ვვარჯიშობ, რომ ჩემი შანსი მივიღო“, – განაცხადა კინმა.

შეგახსენებთ, რომ მოიზე კინს იტალიის ნაკრებში დებიუტი აშშ-სთან ჰქონდა და გახდა პირველი ფეხბურთელი, რომელიც 2000 წელსაა დაბადებული და „სკუადრა აძურაში“ ითამაშა.