კიელინი: “საპასუხო თამაში წინაა”

ტურინის „იუვენტუსის“ კაპიტანმა ჯორჯო კიელინიმ „ატლეტიკოსთან“ (0:2) მარცხის შემდეგ მედიასთან ისაუბრა. ჯორჯოს განცხადებით, „იუვეს“ შეუძლია ჩამორჩენის აღმოფხვრა.

„ეპიზოდები ცვლიან თამაშის სურათს და ჩვენ სტანდარტულების გამო წავაგეთ. უფრო მეტი ყურადღებაა საჭირო, მაგრამ სიმშვიდე უნდა შევინარჩუნოთ, რადგან ტურინში შეგვიძლია ბრძოლა. სამი კვირა დარჩა, საპასუხო თამაშში გავიმარჯვებთ“, – თქვა კიელინიმ.

შეგახსენებთ, რომ საპასუხო მატჩი 12 მარტს ტურინში გაიმართება.