მთავარი / სიახლეები / ხუთი ამსტერდამული საღამო

ხუთი ამსტერდამული საღამო

ოთხშაბათს, „იუვენტუსი“ „იოჰან კრუიფ არენაზე“ „აიაქსს“ ჩემპიონთა ლიგის მოეთხედფინალში შეხვდება. „იუვეს“ ამსტერდამში აქამდე 5-ჯერ უთამაშია და ახლა სწორედ ამ მატჩების შესახებ ვისაუბრებთ.

1974-1975. „აიაქსი“ – „იუვენტუსი“ 2:1 (უეფას თასის 1/8 ფინალი)

ეს იყო პირველი თამაში ამსტერდამში და საერთოდ, პირველი ორრაუნდიანი დუელი. (იქამდე 1973 წელს გუნდები ჩემპიონთა თასის ფინალში შეხვდნენ). რაც შეეხება ამ დაპირისპირებას, პირველი მატჩი „იუვეს“ ტურინში 1:0 ჰქონდა მოგებული.

ამსტერდამში კი მასპინძელთაგან ბლანკენბურგმა და მიურენმა გაიტანეს, მაგრამ გადამწყვეტი გამოდგა დამიანის გოლი, რომელმაც იმ თამაშში ანგარიში გაათანაბრა და „იუვე“ შემდეგ ეტაპზე სტუმარ გატანილი გოლით გავიდა.

1977-1978. „აიაქსი“ – „იუვენტუსი“ 1:1 (ჩემპიონთა თასის 1/4 ფინალი)

ჩემპიონთა თასის პირველი მეოთხედფინალური მატი. შეხვედრა თითქოს უგოლოდ უნდა დასრულებულიყო, თუმცა 90-ე წუთზე ვან დორდმა მასპინძლები დააწინაურა. მალევე, ამგარიში კაუზიომ გაათანაბრა. „იუვე“ შემდეგ ეტაპზე პენალტების სერიაში გამარჯვების შედეგად გავიდა.

1996-1997. „აიაქსი“ – „იუვენტუსი“ 1:2 (ჩემპიონთა ლიგის ნახევარფინალი)

დიდებული „იუვენტუსი“, როგორც პირველ, ისე საპასუხო მატჩში. „ბიანკონერი“ ტურნირის მოქმედი გამარჯვებული გახლდათ (ფინალში სწორედ „აიაქსს“ აჯობა) და ამსტერდამში პირველი ნახევაფინალური დუელი 2:1 მოიგო. გოლები ნიკოლა ამორუზომ და კრისტიან ვიერიმ გაიტანეს. საპასუხო შეხვედრა ტურინში მასპინძელთა გამარჯვებით 4:1 დასრულდა.

2004-2005. „აიაქსი“ – „იუვენტუსი“ 0:1 (ჯგუფური ეტაპი)

შემდეგ იყო ჯგუფური ეტაპის პირველი ტურის შეხვედრა, რომელიც „იუვენტუსმა“ პავენ ნედვედის 42-ე წუთზე გატანილი გოლით მოიგო. მეორე თამაშშიც იგივე ანგარიში დაფიქსირდა ტურინში და ისევ „იუვემ“ იმარჯვა.

2009-2010. „აიაქსი“ – „იუვენტუსი“ 1:2 (ევროპა ლიგის, 1/16 ფინალი)

„იუვემ“ ბოლოს ამსტერდამში 2010 წლის თებერვალში ითამაშა და მეტოქე კვლავ დაამარცხა – 2:1. მატჩის გმირი ამაური გახდა, რომელმაც დუბლი შეასრულა. საპასუხო შეხვედრა ტურინში გოლების გარეშე დასრულდა და შემდეგ ეტაპზე „ბებერი სინიორა“ გავიდა.

შემთხვევითი სიახლე

ანტონიო კონტე ტურინში შენიშნეს, მას “იუვეს” უკავშირებენ

იტალიელი ჟურნალისტი ტანკრედი პალმერი იტყობინება, რომ ანტონიო კონტეს „იუვენტუსის“ მთავარ მწვრთნელად განიხილავენ. კონტე ორი დღის …

რანიერი: “იუვეს” ფეხბურთელებს თამაშის სიხარული არ აქვთ”

„იუვენტუსის“ შესახებ კომენტარი კლაუდიო რანიერიმ გააკეთა და განაცხადა, რომ ფეხბურთელებს თამაშის სიხარული არ ეტყობათ. „რაც …