ტურინის „იუვენტუსის“ ყოფილი მცველი და ამჟამად ფლორენციის „ფიორენტინას“ ფეხბურთელი მარტინ კასერესი ამბობს, რომ სატურნირო ცხრილის სათავეში ყოველთვის „იუვეს“ ხილვა მოსაწყენი იყო.
„მიმდინარე სეზონი ძალიან საინტერესოა, „იუვე“ – „ინტერის“ დუელიდან დაწყებული. ჩემთვის მილანური გუნდი სეზონის მთავარი სიურპრიზია, მიუხედავად იმისა, რომ კონტეს ძალიან კარგად ვიცნობ და ვიცი მისი სამწვრთნელო უნარები. სატურნირო ცხრილის სათავეში მუდმივად „იუვენტუსის“ ხილვა მოსაწყენი იყო“, – თქვა კასერესმა.
შეგახსენებთ, რომ ურუგვაელ მცველს „იუვეში“ 2009-2010, 2012-2016 და 2019 წლებში უთამაშია.