კაპელო: “საჩემპიონო ინტრიგა არ მომკვდარა”

ლეგენდარული იტალიელი მწვრთნელი ფაბიო კაპელო მიიჩნევს, რომ მიუხედავად „იუვეს“ უპირატესობისა, სკუდეტოსთვის ბრძოლა დასრულებული არაა.

„არ ვეთანხმები მათ, ვინც ფიქრობს, რომ საჩემპიონო ინტრიგა მოკვდა. შეხედეთ რამდენი ქულაა ჯერ კიდევ გასათამაშებელი. დიახ, „იუვენტუსი“ ბოლო 7 წელია დომინანტია, მაგრამ ხალხში ვნება მაინც არსებობს“, – განაცხადა კაპელომ.

შეგახსენებთ, რომ პირველი წრის შემდეგ „იუვენტუსს“ 53 ქულა აქვს და უახლოეს მდევარ „ნაპოლის“ 9 ქულით უსწრებს.