კანსელუ შესაძლოა “მანჩესტერში” გადავიდეს

ინგლისური „მანჩესტერი“ ზაფხულში ტურინის „იუვენტუსის“ მცველის, ჟოაუ კანსელუს შეძენას გეგმავს. Tuttomercatoweb-ის ინფორმაციით, „წითელ ეშმაკებს“ პორტუგალიელი ანტონიო ვალენსიას შემცვლელად ესახებთ. ფინანსური დეტალები და „იუვეს“ პოზიცია კი ჯერჯერობით უცნობია.

კანსელუ „იუვენტუსმა“ გასულ ზაფხულს დაიმატა და მიმდინარე სეზონში ჩატარებულ 22 მატჩში 1 გოლი გაიტანა და 5 საგოლე პასი მიითვალა. აღსანიშნავია, რომ ბოლო დროს მასიმილიანო ალეგრი მატია დე შილიოს ამჯობინებს და კანსელუ სათადარიგო სკამზე ხშირად რჩება.

პორტუგალიელ ფეხბურთელს „იუვესთან“ კონტრაქტი 2023 წლის ზაფხულამდე აქვს გაფორმებული.