კანსელუ: “დამსახურებულად გავიმარჯვეთ”

ტურინის „იუვენტუსის“ მცველმა ჟოაუ კანსელუმ „ატლეტიკოსთან“ (3:0) გამარჯვების შემდეგ კომენტარი გააკეთა. პორტუგალიელი მცველის განცხადებით, „იუვემ“ ეს გამარჯვება დაიმსახურა.

„გუნდის გამარჯვება მნიშვნელოვანია. ამ კვირაში კარგად ვითამაშეთ და დავიმსახურეთ ეს წარმატება და ამ ანგარიშით გამარჯვება. რონალდუ? საოცარია. ახლა ჩემპიონატზე ვფიქრობთ, გვინდა გენუაში გავიმარჯვოთ“, – თქვა კანსელუმ.

შეგახსენებთ, რომ „იუვენტუსმა“ „ატლეტიკოსთან“ ქამ-ბექი მოახერხა და ჩემპიონთა ლიგის მეოთხედფინალში გავიდა.