ტურინის „იუვენტუსს“ ზედიზედ 26 თამაშია სტუმრად არ წაუგია და ეს რეკორდია. „ბებერმა სინიორმა“ თავისივე მიღწევა გააუმჯობესა, რომელიც 25 მატჩს შეადგენდა.
ანტონიო კონტეს ფორმაციის გუნდმა 2011 წლის 18 სექტემბრიდან („სიენასთან“ 1:0) 2012 წლის 25 ნოემბრამდე („მილანთან“ 0:1) მიჯრით 25 მატჩი არ წააგო სტუმრად.
ალეგრის ფორმაციის გუნდმა ეს შედეგი უკვე გააუმჯობესა. „იუვე“ სერია A-ში ბოლოს გასვლაზე 2017 წლის 19 ნოემბერს, „სამპდორიასთან“ (2:3) დამარცხდა. იქედან მოყოლებული უკვე მეორე სეზონია ტურინული გრანდი იტალიის ჩემპიონატის ეგიდით სტუმრად არ აგებს (26 თამაში, 22 მოგება, 4 ფრე).
ნიშანდობლივია, რომ „ბებერი ქალბატონი“ 2018 წლის 22 აპრილის მერე სერია A-ში ზედიზედ 30 თამაშია არ დამარცხებულა.