“იუვეს” 23-წლამდე გუნდს ახალი მწვრთნელი ჰყავს

ტურინის „იუვენტუსს“ 23-წლამდე გუნდის მთავარ მწვრთნელად ლამბერტო ძაული დაინიშნა. ინფორმაცია „ბებერი სინიორას“ ვებგვერდმა დაადასტურა.

ძაული აქამდე „იუვეს“ 19-წლამდე გუნდს წვრთნიდა და დააწინაურეს. ეს მას შემდეგ მოხდა, რაც 23-წლამდელებს ანდრეა პირლო დაუნიშნეს, მაგრამ ერთ კვირაში პირლო მთავარ გუნდში გადაიყვანეს.

23-წლამდე გუნდში ძაულის ასისტენტი მირკო კონტე იქნება, ხოლო მეკარეების მწვრთნელად კრისტიანო ლუპატელი იმუშავებს.