მთავარი / სიახლეები / “იუვენტუსში” ტრავმების ეპიდემიაა

“იუვენტუსში” ტრავმების ეპიდემიაა

ტურინის „იუვენტუსში“ ტრავმების ეპიდემია მძვინვარებს. არადა ჩემპიონთა ლიგის მეოთხედფინალური მატჩები უკვე კარსაა მომდგარი. „იუვეში“, რომ ტრავმიანობაა, ამაში მასიმილიანო ალეგრის კომენტარიც დაგარწმუნებთ.

„რონალდუ მუშაობს და ვიმედოვნებთ, რომ „აიაქსითვის“ მზად იქნება, თუმცა ეს გადაწყვეტილი არაა. ისევე, როგორც დუგლას კოშტა. ხედირა გუნდთან ერთად ვარჯიშობს, კუადრადო 7-10 დღეში დაგვიბრუნდება. დიბალას დღეს სამედიცინო გამოკვლევა ჩაუტარდება.

მანჯუკიჩს სიცხე აქვს, პერინს ზურგის ტრავმა აწუხებს და იმედია, ჩემპიონთა ლიგისთვის დაგვიბრუნდება, ხოლო სპინაცოლას მუხლის დაზიანება აღენიშნება. ოპერაცია არ დასჭირდება, მაგრამ ლეონარდო 15 დღე ვერ ითამაშებს. ბარძალი კი სეზონის ბოლო ნაწილში დაბრუნდება“, – თქვა ალეგრიმ.

მოკლედ, „იუვენტუსის“ ლაზარეთში არიან: დუგლას კოშტა, კრიშტიანუ რონალდუ, პაულო დიბალა, ხუან კუადრადო, ლეონარდო სპინაცოლა, მატია პერინი, მარიო მანჯუკიჩი და ანდრეა ბარძალი.

შემთხვევითი სიახლე

ალბანეთის იუვენტინო პრემიერი: “მზად ვარ ინტერისტა ამომრჩევლები დავკარგო”

ალბანეთის პრემიერმინისტრი ედი რამა „იუვენტუსის“ გულშემატკივარია. მან რამდენიმე თვის წინ ალბანეთ ბავშვებს კრიშტიანუ რონალდუ და …

აკვილანი: “როდესაც კარიერა დავასრულე, ანიელიმ მადლობა გადამიხადა”

ვეტერანმა იტალიელმა ფეხბურთელმა ალბერტო აკვილანიმ „იუვენტუსში“ გატარებული ერთი სეზონი გაიხსენა და თქვა, რომ ამაყობს, რომ …