“იუვენტუსში” ანდრეა ბარძალიც ბრუნდება

არამარტო ჯანლუიჯი ბუფონი – „იუვენტუსს“ ანდრეა ბარძალიც უბრუნდება. 38 წლის ფეხბურთელმა გასული სეზონის შემდეგ საფეხბურთო კარიერა დაასრულა, მაგრამ გააგრძელებს ტურინში მოღვაწეობას.

Tuttosport-ის ინფორმაციით, მაურიციო სარი ბარძალის ესაუბრა და მისგან თანხმობაც მიიღო – 2006 წლის მსოფლიოს ჩემპიონი სარის სამწვრთნელო შტაბში იმუშავებს.

შეგახსენებთ, რომ ბარძალი „იუვეს“ ღირსებას 2011-2019 წლებში იცავდა და გუნდის ისტორიაში საკუთარი სახელი ოქროს ასოებით დატოვა.