“იუვენტუსი” სრული შემადგენლობით შეიკრიბა

ტურინის „იუვენტუსი“ საწვრთნელ პროცესს აგრძელებს. ამჯერად გუნდი სრულად შეიკრიბა, რადგან სანაკრებო პაუზიდან ყველა ფეხბურთელი დაუბრუნდა.

როგორც ტურინული გრანდის ვებგვერდი წერს, გუნდთან ერთად ივარჯიშა მატია დე შილიომ, ხოლო ანდრეა ბარძალიმ, ხუან კუადრადომ, დუგლას კოშტამ და სამი ხედირამ ინდივიდიუალურად.

„იუვე“ მორიგ ვარჯიშს ხვალ ჩაატარებს. ხვალვე დაგეგმილია მასიმილიანო ალეგრის პრესკონფერენცია, რომელიც „ემპოლისთან“ მოახლოებულ მატჩზე ჟურნალისტების კითხვებს უპასუხებს.