“იუვენტუსი” პოგბას ტრანსფერზე მუშაობას იწყებს

ტურინის „იუვენტუსი“ პოლ პოგბასთვის ბრძოლას იწყებს.  Tuttosport-ის ინფორმაციით, იტალიური გუნდი მზადაა ინგლისელებთან მოლაპარაკებები ოფიციალურად დაიწყო და ფრანგი იტალიაში დააბრუნოს.

პოგბას „წითელ ეშმაკებთან“ კონტრაქტი 2021 წლის ივნისში ეწურება, თუმცა გუნდში კონფლიქტი აქვს და ახალი ხელშეკრულების გაფორმებაზეც უარს ამბობს.

ტურინელები გარიგებაში რამდენიმე ფეხბურთელის ჩართვასაც გეგმავენ. ყველაზე აქტიურად მარიო მანჯუკიჩისა და ემრე ჯანის გვარები დასახელდა. გარდა ამისა, არაა გამორიცხული „იუვემ“ ინგლისურ გუნდს მატია პერინი, მარკო პიაცა და ან დანიელე რუგანიც შესთავაზოს – ბუნებრივია, პოგბას საბაზრო ღირებულების დასაწევად.

შეგახსენებთ, რომ პოლი „იუვენტუსში“ 2012-2016 წლებში წარმტებით თამაშობდა, მაგრამ ინგლისში იგივე სიმაღლეზე დარჩენა ვერ მოახერხა და კრიტიკის ობიექტიც არაერთხელ გახდა.