“იუვენტუსი” ემერსონის გადაბირებას ეცდება

ტურინის „იუვენტუსი“ ზაფხულში ლონდონის „ჩელსის“ ბრაზილო-იტალიელი მცველის ემერსონ პალმიერის გადაბირებას ეცდება.

ემერსონი სეზონის პირველ ნახევარში „ჩელსიში“ მუდმივად თამაშობდა, მაგრამ 2020 წელს სასტარტოში ადგილი დაკარგა და მხოლოდ სამ შეხვედრაში მიიღო მონაწილეობა.

იტალიის ნაკრების მთავარმა მწვრთნელმა რობერტო მანჩინიმ ორი დღის წინ განაცხადა, რომ კარგი იქნება თუ ზაფხულში ემერსონი იტალიაში დაბრუნდება.

ბრაზილიური ფესვების მქონე ფეხბურთელის ფასი ამ დროისთვის 30-35 მილიონ ევროს შეადგენს და „იუვენტუსსაც“ „ჩელსისთვის“ ხსენებული თანხის გადახდა მოუწევს.