“იუვენტუსი” დემბელესთვის ბრძოლაში ერთვება

ტურინის „იუვენტუსი“ ფრანგული „ლიონის“ თავდამსხმელის მუსა დემბელეს შეძენაზე სერიოზულად ფიქრობს. Calciomercato-ს ცნობით, იტალიური მხარე ამჯერად აქცენტს სამომავლო გეგმებზე აკეთებს და 23 წლის შემტევიც ამიტომ მოინიშნა.

დემბელე „ლიონმა“ ერთი წლის წინ „სელტიკიდან“ 22 მილიონ ევროდ შეიძინა და მოსალოდნელია, რომ გაორმაგებულ თანხაზე ნაკლებად არ შეელევა. გარდა ამისა, რამდენიმე დღის წინ ჟან-მიშელ ოლამ (ფრანგული გუნდის პრეზიდენტი) აღნიშნა, რომ დემბელე არ იყიდება. თუმცა, სასურველი წინადადების მიღების შემთხვევაში ოლას გადარწმუნება ადვილად შეიძლება.

დემბელემ გასულ სეზონში „ლიონის“ რიგებში 46 მატჩში 20 გოლი გაიტანა. მიმდინარე სეზონში კი, 2 შეხვედრაში თავის სამჯერ გამოჩენა მოასწრო.