სატრანსფერო ფანჯრის ბოლო დღე დიდი ალბათობით, „იუვენტუსისთვის“ ცვლილებეის გარეშე ჩაივლის. შესაბამისად, „იუვენტუსს“ არავინ დატოვებს და არავის დაიმატებს.
რომეო აგრესტის ცნობით, მატია დე შილიოს პსჟ-ში გადასვლა გამოირიცხა. შესაბამისად, იტალიელი მცველი ამ სეზონში მაურიციო სარის განკარგულებაში იქნება, რომელმაც საწყის ორ ტურში სასტარტოში ათამაშა.
ჩაიშალა აგრეთვე ივან რაკიტიჩისა და ფედერიკო ბერნარდესკის ბარტერიც. ამის მიზეზი ფეხბურთელების სატრანსფერო ღირებულება გახდა. შედეგად, რაკიტიჩი ტურინში არ მოვა, ხოლო ფედერიკოს ისევ შავ-თეთრი მაისური ემოსება.
იგივე მომავალი აქვს დანიელე რუგანისაც, რომელსაც დიდი ხანია „რომა“ ეპატიჟებოდა, მაგრამ კიელინის ტრავმის შემდეგ ტოსკანელი მცველი გუნდს არ დატოვებს. დილით ფეხბურთელის აგენტისა და გუნდის წარმომადგენლების შეხვედრაზე ეს ცნობა დადასტურდა.
თითქმის გამორიცხულია ჟერომ ბოატენგის ტრანსფერიც, რადგან „ბიანკონერის“ შემადგენლობა ბოლო წამზე ცვლილებებს არ ექვემდებარება.