მთავარი / სიახლეები / სერია A / “იუვენტუსი” – “ბრეშა”: ფეხბურთელთა შეფასებები

“იუვენტუსი” – “ბრეშა”: ფეხბურთელთა შეფასებები

ტურინის „იუვენტუსმა“ სერია A-ს 24-ე ტურში „ბრეშა“ პაულო დიბალასა და ხუან კუადრადოს გოლებით 2:0 დაამარცხა. გთავაზობთ ფეხბურთელთა შეფასებებს Calciomercato-ს ვერსიით:

შჩესნი 6 – როდესაც მისი ჩართვა თამაშში საჭირო იყო, ყოველთვის დამაჯერებლად ითამაშა.

დანილო 6 – თავისი პოზიცია კარგად დაიცვა;. შეტევაში არ აქტიურობდა.

რუგანი 6.5 – ბალოტელი გაანეიტრალა.

ბონუჩი 6 – თავიდანვე გაფრთხილება მიიღო და კონტრშეტევა ასე ჩაშალა. ამის გამო მომდევნო მატჩს დისკვალიფიკაციის გამო „სპალთან“ გამოტოვებს.

კიელინი შ.გ – კაპიტანი 5.5 თვის შემდეგ დაბრუნდა.

ალექს სანდრო 6.5 – დაცვაში კარგი იყო და შეტევებშიც მონაწილეობდა.

რემზი 6 – ბევრი შეცდომა ჰქონდა, მაგრამ გამოსწორებას ცდილობდა. სწორედ მის წინააღმდეგ დაჯარიმდა აიე და გააძევეს, დიბალამ კი ეს ჯარიმა გოლად აქცია.

პიანიჩი შ.გ – შევიდა და მალევე ტრავმის გამო შეცვალეს.

მატუიდი 6.5 – თამაშში კარგად ჩაერთო და კუადრადოს ქუსლით საგოლე პასი გაუკეთა.

ბენტანკური 6 – მოულოდნელი შეცდომა დაუშვა საკუთარ საჯარიმოსთან, რაც შეიძლებოდა გუნდს ძვირად დაჯდომოდა. მეორე ტაიმში უკეთ ითამაშა და ორჯერ გოლთან ახლოს იყო, ერთხელ ბურთი ძელს მოარტყა.

რაბიო 6 – ბენტანკურს ეხმარებოდა ცენტრში და დაცვით ფაზაშიც ჩადიოდა.

კუადრადო 7 – „ბრეშას“ დაცვისთვის პირველ ტაიმში ყველაზე მეტად სახიფათო იყო, შესვენების შემდეგ კი გოლით დაჯილდოვდა.

იგუაინი 5.5 – სუფთა ცენტრაფორვარდად ითამაშა, მაგრამ განსაკუთრებული არაფერი, ბევრი შანსი გაანიავა.

დიბალა 6.5 – პირველ ტაიმში ბურთს ხშირად კარგავდა, მაგრამ შესანიშნავი ჯარიმა გაიტანა. ბოლოს დუბლის შესრულებაში ხელი ხარიხამ შეუშალა.

შემთხვევითი სიახლე

ნედვედი: “არ ველოდი, რომ პირლო ასეთი შემტევი სტილის იქნებოდა”

ტურინის „იუვენტუსის“ ვიცე-პრეზიდენტმა პაველ ნედვედმა ანდრეა პირლოს შესახებ ისუაბრა. ჩეხი გაკვირვებულია, რომ პირლო შემტევი ფეხბურთის …

დე ლიხტი: “უფრო სწრაფად და მაღალი პრესინგით უნდა ვითამაშოთ”

ტურინის „იუვენტუსის“ მცველმა მატიას დე ლიხტმა „ფერენცვაროშთან“ (2:1) გამარჯვების შემდეგ კომენტარი გააკეთა. ნიდერლანდელი ფეხბურთელის განცხადებით, …