ფედერიკო ბერნარდესკისთვის შესაძლოა მიმდინარე სეზონი „იუვენტუსში“ ბოლო აღმოჩნდეს. იტალიელი ნახევარმცველი მაურიციო სარის საკმაოდ ხშირად შეჰყვას ძირითად შემადგენლობაში, მაგრამ იმედს ვერ უმართლებს.
ბერნარდესკის ვითარება განსაკუთრებით მას შემდეგ დამძიმდა, რაც ფლანგიდან გამთამაშებლის პოზიციაზე გადმოსწიეს და ფედერიკოც ახალ როლს აშკარად ვერ ეგუება. ამასობაში, „ალიანც სთედიუმზე“ ბოლო ორ მატჩში იტალიელს ქომაგებმა ცუდი თამაშის გამო დაუსტვინეს. ეს ყველაფერი კი, შესაძლოა ტურინიდან აბარგების მიზეზი გახდეს.
ბერნარდესკის მსურველები არ აკლია. მაგალითად „ბარსელონა“ და „მილანიც“ აქტიურობენ. არსებობს პრემიერლიგური ვარიანტებიც. თუმცა, მანამდე ბერნარდესკის მიმდინარე სეზონის ბოლომდე დრო კვლავ ექნება, რომ თავისი შესაძლებლობები ბოლომდე წარმოაჩინოს.