იუვენტუსი არის ყველაზე პოპულალური იტალიური ბრენდი ინსტაგრამზე გუჩის შემდეგ

სოციალურ ქსელებში ტურინის იუვენტუსის გამომწერთა რიცხვი დღითი დღე იზრდება.

ამჟამად, ინსტაგრამის გვერდზე ტურინულ კლუბს 34.4 მილიონი გამომწერი ჰყავს. 2018 წლის ივლისში, მაშინ როცა ბებერ ქალბატონს კრიშტიანუ რონალდუ შეუერთდა მათი რიცხვი მხოლოდ 10.4 მილიონს შეადგენდა. ყოველდღიურად თითქმის 30 ათასი ადამიანი იწერს იუვენტუსის გვერდს ინსტაგრამზე.

იტალიური გუნდი კლუბებს შორის გამომწერთა რაოდენობის მიხედვით მესამე ადგილზეა მადრიდის რეალის (81 მილიონი) და ბარსელონას (80,3 მილიონი) შემდეგ. ამავდროულად, იუვენტუსი მეორე ადგილზეა ინსტაგრამზე ყველაზე პოპულარული იტალიური ბრენდების სიაში. პირველ ადგილს კი 38,2 მილიონი გამომწერით გუჩი იკავებს.