“იუვენტუსი” ამერიკელი ფეხბურთელის ტრანსფერზე მუშაობს

ტურინის „იუვენტუსში“ შესაძლოა ამერიკელი ფეხბურთელების რაოდენობა გაიზარდოს და ვესტონ მაკკენის მისი თანამემამულე ბრაიან რეინოლდსი შეუერთდეს.

19 წლის ნიჭიერი მარჯვენა მცველი „დალასის“ ღირსებას იცავს და ევროპული კლუბების ყურადღება უკვე მიიპყრო. „იუვეს“ მისი შეძენა იანვარში უნდა. თუმცა განათხოვრება მოუწევს (სახელდება „სამპდორია“ და „კალიარი“), რადგან ევროკავშირის არაწევრი მოთამაშეების ლიმიტი გუნდში სასვეა.

რეინოლდსის ტრანსფერით „რომაც“ დაინტერესებულია, მაგრამ იტალიური მედიის ცნობით, „იუვეს“ წარმომადგენლებმა ფეხბურთელის აგენტთან ტელეფონით უკვე ისაუბრეს.

აქვე გეტყვით, რომ ბრაიან რეინოლდსის “დალასის” შემადგენლობაში 27 თამაში აქვს ჩატარებული.