ტურინის „იუვენტუსმა“ ლუკა პელეგრინი „ჯენოაში“ გაანათხოვრა. ახალგაზრდა იტალიელი დღეს გენუაში ჩავიდა და სამედიცინო შემოწმება გაიარა.
ლუკა გენუელთა რიგებში ერთწლიანი იჯარით ითამაშებს. ეს იმას ნიშნავს, რომ ალექს სანდროს დუბლიორი ამ სეზონშიც მატია დე შილიო იქნება და ის ბაზრიდან მოხსნილია.
რაც შეეხება პელეგრინის, „იუვენტუსმა“ შარშან იყიდა, მაგრამ იჯარით „კალიარიში“ დატოვა. როგორც ჩანს, მას შანსი არც წელს მიეცემა. აქვე გეტყვით, რომ „იუვემ“ ცოტა ხნის წინ „ჯენოაში“ მარკო პიაცაც გაანათხოვრა.