“იუვემ” მილინკოვიჩ-სავიჩთან შეთანხმებას მიაღწია

„იუვენტუსი“ უკვე მუშაობს მომდევნო სეზონისთვის და არამხოლოდ მწვრთნელის ფრონტზე. „ბიანკონერიმ“ უკვე დაიწყო ფიქრი გუნდის შემადგენლობის განახლებაზე და სერგეი მილინკოვიჩ-სავიჩი ერთ-ერთი სასურველი კანდიდატია.

ამ შემთხვევაში მწვრთნელზე დალოდებას აზრი არ აქვს, რადგან სერბი ყველა მწვრთნელს მოეწონება. სერგეი მიმდინარე სეზონში იტალიის ჩემპიონატის საუკეთესო ნახევარმცველადაც დასახელდა. თუ „იუვეს“ სიმონე ინძაგი ჩაიბარებს, პრაქტიკულად იდეალურ წყვილს მივიღებთ.

Tuttosport-ის ინფორმაციით, ტურინელებმა ფეხბურთელთან პირად შეთანხმებას მიაღწიეს და ახლა „ლაციოსთან“ მორიგების დროა. კლაუდიო ლოტიტოს დაყოლიება კი ადვილი არ იქნება, რადგან შარშან 100 მილიონი ევრო მოითხოვა და ალბათ მადა წელს კიდევ უფრო გაეზრდებოდა.

აქვე გეტყვით, რომ მილინკოვიჩ-სავიჩს „ლაციოსთან“ კონტრაქტი 2023 წლამდე აკავშირებს.