“იუვე” – “უდინეზე”: ფეხბურთელთა შეფასებები

ტურინის „იუვენტუსმა“ იტალიის თასის მერვედფინალში „უდინეზე“ 4:0 გაანადგურა და შემდეგ ეტაპზე გავიდა. გთავაზობთ ფეხბურთელთა შეფასებებს Calciomercato-ს ვერსიით:

ბუფონი შ.გ – მას თამაშში ჩართვა არ მოუწია და ამის საჭიროება არ ყოფილა.

დანილო 6 – მინუსებისა და პლიუსების გარეშე.

დე ლიხტი 6 – ძვირფასი წუთები იყო ძირითადში დაბრუნებითვის იქამდე, სანამ ისევ ლეონარდო ბონუჩის შეუწყვილდება.

რუგანი 6 – მისი ზონიდან ფრიულელებმა ვერაფერი შექმნეს. პენალტი მოიპოვა და გოლის გატანასთანაც ძალიან ახლოს იყო, ბურთი ძელს მოხვდა.

ალექს სანდრო 6 – შეტევაშიც მიდიოდა და დაცვაში. ზეგანაკვეთური სამუშაოს შესრულება უწევდა.

ბერნარდესკი 6.5 – ახალ პოზიციაზე პირველად ითამაშა. მეტოქე ნაკლებად იყო სერიოზული გამომცდელი,მაგრამ ტესტი ამ როლში ჩაბარებულია.

ბენტანკური 6.5 – „ნაპოლისთან“ მატჩში მისი დაბრუნება ფუნდამენტური იქნება.

რაბიო 6 – დაბრუნდა ნახევარდაცვის ცენტრის მარცხენა ზონაში, მანამც მოედანზე ძვირფასი წუთები გაატარა.

რემზი 6 – ოცი წუთი ითამაშა, კარგი გასეირნება ჰქონდა.

დიბალა 8 – კაპიტნის სამკლავურით ითამაშა, „პიპიტასთან“ შესანიშნავად ჰქონდა დიალოგი. დუბლი შეასრულა, მეორე გოლი ნამდვილი შედევრი იყო.

პიაცა შ.გ – კეთილი იყოს შენი დაბრუნება.

იგუაინი 7.5 – ერთ-ერთი ყველაზე მოტივირებული, საოცარი გოლი გაიტანა დიბალასთან კომბინირებით.

დუგლას კოშტა 6 – ოდნავ ჩრდილში იყო, მარცხენა ფლანგზე. თუმცა, პენალტიდან გაიტანა.

კუადრადო შ.გ – ნახევარი საათით შეტევის მარჯვენა ფლანგზე დაბრუნდა.