“იუვე” – “სასუოლო”: ფეხბურთელთა შეფასებები

ტურინის „იუვენტუსმა“ სერია A-ს მე-14 ტურში „სასუოლოს“ მოულოდნელად ვერ მოუგო (2:2) და უმნიშვნელოვანესი ორი ქულა დაკარგა. გთავაზობთ ფეხბურთელთა შეფასებებს Calciomercato-ს ვერსიით:

ბუფონი 5 – კაპუტოს გოლში მისი წვლილი დიდია.

კუადრადო 5 – სწორედ მისი უყურადღებო და დაუდევარი პასის შემდეგ დაიბადა კაპუტოს გოლი.

ბონუჩი 6.5 – შესანიშნავი გოლი გაიტანა რთულ დღეს. დაცვაშიც საუკეთესო იყო თანაგუნდელთა შორის.

დე ლიხტი 4.5 – ორივე გოლში მთავარი დამნაშავე. ჯერ ბოგა იმიტომ არ მოხვდა თამაშგარეში, რომ დე ლიხტი პოზიციურად შეცდა, მერე კაპუტოს საგოლე პასი გაუკეთა. დასავიწყებელი კვირა.

ალექს სანდრო 6 – დაბალი პასი და ბოგა გაექცა.

ბენტანკური 6.5 – ალბათ საუკეთესო „იუვენტუსის“ რიგებში. ნახევარდაცვაში უდიდესი სამუშაო შეასრულა.

პიანიჩი 6 – „იუვეს“ სათამაშო რიტმს ბოსნიელი კარნახობდა და რამდენიმე სახიფათო პასიც გააკეთა.

ემრე ჯანი 4.5 – პირველ ტაიმში არაფერი გაუკეთებია, სურვილიც არ ჰქონია. მეორე ნახევარში უკეთესი იყო, საგოლე შანსი გაანიავა და შეცვალეს.

მატუიდი 6 – გერმანელთან შედარებით, ფრანგი სრულიად განსხვავებული იყო.

ბერნარდესკი 5 – როგორც კი შეცდომას უშვებს, „ალიანც სთედიუმი“ უსტვენს. ბევრი შეცდომა, ბევრი სტვენა. გამთამაშებლის პოზიციაზე ძალიან უჭირს და უფრო კარგი იყო როდესაც ფლანგზე ათამაშებდნენ. ეს სარისთვის პატარა პრობლემა არაა.

დიბალა 7 – „იუვენტუსი“ დიბალას მოედანზე შესვლის შემდეგ შეიცვალა. მისი ძირითადში არდაყენება შეცდომა იყო, რომელიც სარისთვის დაკარგულ ორ ქულად დაფასდა.

იგუაინი 5.5 – ცდილობდა, მაგრამ ვერ შეძლო. ძალიან მაგარი მომენტიც გაანიავა.

რემზი შ.გ – ბოლო საგოლე შანსი ჰქონდა, მაგრამ სუსტად დაარტყა.

რონალდუ 6 – უფრო უკეთ ითამაშა, ვიდრე „ატლეტიკოსთან“, მაგრამ ჯერ კიდევ არ აქვს ისეთი გავლენა, როგორც უნდა ჰქონდეს. როდესაც თამაშში დიბალა ჩაერთო, კრიშტიანუც ათამაშდა.