მთავარი / სიახლეები / სერია A / “იუვე” – “სასუოლო”: ფეხბურთელთა შეფასებები

“იუვე” – “სასუოლო”: ფეხბურთელთა შეფასებები

ტურინის „იუვენტუსმა“ სერია A-ს მე-17 ტურში „სასუოლო“ დანილოს, აარონ რემზისა და კრიშტიანუ რონალდუს გოლებით დაამარცხა. გთავაზობთ ფეხბურთელთა შეფასებებს Calciomercato-სვერსიით:

შჩენსი 6 – მას საქმე თითქმის არ ჰქონია, გაშვებული გოლის დროს კი პრაქტიკულად არაფერი შეეძლო.

დანილო 7 – კარგი თამაში, უპრობლემოდ გააკონტროლა ტრაორე. შესანიშნავი გოლი გაიტანა მეორე ტაიმის დასაწყისში, შემდეგ კი საოცარი საგოლე პასიც გააკეთა. ალბათ საუკეთესო სეზონი აქვს „პორტუში“ ჩატარებული ოქროს წლების შემდეგ.

ბონუჩი 5 – მატჩის დასაწყისშივე ყვითელი ბარათი მიიღო კაპუტოსთან უხეშობის გამო. შემდეგ მან დაკარგა დეფრელი, რომელმაც ანგარიში გაათანაბრა.

დემირალი 6 – ბონუჩიზე უკეთ ითამაშა, მაგრამ დეფრელი გოლში არც ის ყოფილა უნაკლო.

ფრაბოტა 6 – საკმაოდ ბევრი შეცდომა დაუშვა, მაგრამ ყველაფერი რემზიზე საგოლე პასით გამოისყიდა.

კიეზა 6 – მას „მილანთან“ თამაშის შემდეგ სტაბილურობა უნდა ეჩვენებინა, რაც ვერ შეძლო, მაგრამ სანტიმეტრიც არ დაუთმია და ობიანგის მასთან უხეშობის გამო გააძევეს.

ბერნარდესკი შ.გ – მან ბოლო რამდენიმე წუთი ითამაშა.

არტური 5.5 – მას არცერთი გადამწყვეტი პასი არ გაუკეთებია.

ბენტანკური 5.5– ყვითელი ბარათი მიიღო, მაკკენის გარეშე ყველას ნაცვლად სირბილი მოუწია.

რაბიო 5.5 – ლოკატელისთან დუელი წააგო.

მაკკენი 6 – ძალია კარგად დიაწყო, მაგრამ ტრავმამ აიძულა მოედანი მალევე დაეტოვებინა.

რემზი 7 – თამაშის სურვილით ჩაერთო და ბოლოს გადამწყვეტი გოლიც გაიტანა.

მორატა შ.გ – ესპანელი დაბრუნდა და ეს კარგი სიახლეა.

დიბალა 5.5 – 43-ე წუთზე ტრავმის გამო შეცვალეს, მაგრამ მანამდე ვერაფერი მოახერხა და შეუმჩნეველი იყო.

კულუშევსკი 6.5 – პირველი ტაიმის ბოლოს ჩაერთო თამაშში, მაგრამ შესვენებამდე ორი საგოლე მომენტი ჰქონდა, ერთი წარმოუდგენელი, პრაქტიკულად ცარიელ კარში. მეორე ტაიმში რონალდუს საოცარი პასი გაუკეთა – ტოპმოქმედება იყო.

რონალდუ 5.5 – ყოველთვის აგვიანებდა, წარმოუდგენელი მომენტი ვერ გამოიყენა, რაც შეიძლებოდა გუნდს ძვირად დაჯდომოდა. ბოლოს გაიტანა, მაგრამ ეს მის ცუდ თამაშს არ აფერადებს.

პირლო 6 – „იუვემ“ ისევ ვერ ითამაშა კარგად, მაგრამ შედეგი მიიღო. „სან სიროზე“ კარგი თამაშით მოგების შემდეგ „იუვეს“ „სასუოლოსთან“ შინ გაუჭირდა რიცხობრივ უპირატესობაში. თუმცა, მძიმე სამი ქულა მოიპოვა.

შემთხვევითი სიახლე

ტაკონი: “კონტე 3 მცველით თუ ითამაშებს, “იუვე” მოიგებს”

ტურინის „იუვენტუსის“ ყოფილმა მეკარე სტეფანო ტაკონიმ დღეს გასამართი იტალიური დერბისა და თავის დროზე ვალტერ ძენგასთან …

იულიანო: “იუვესთვის” იდეალური 4-3-3 სქემაა”

ტურინის „იუვენტუსის“ ყოფილმა ფეხბურთელმა მარკ იულიანომ იტალიურ მედიასთან „ბებერი ქალბატონის“ შესახებ ისაუბრა. იტალიელი მცველის განცხადებით, …