Juventus.Ge ტურინის იუვენტუსის ქართული ფან კლუბი
პოლ პოგბას და „მანჩესტერ იუნაიტედის“ ურთიერთობა პრაქტიკულად დასასრულს მიუახლოვდა. მინო რაიოლამ რამდენიმე დღის წინ ინგლისური კლუბი საჯაროდ გააკრიტიკა და პოგბას მთავარ პრობლემად სწორედ „მანჩესტერი“ დაასახელა.
Daily Star-ის ინფორმაციით კი, „იუვენტუსი“ მზადაა ფრანგი დაიბრუნოს. ამისთვის ინგლისურ გრანდს 70 მილიონ ევროსა და ადრიენ რაბიოს სთავაზობენ.
„იუნაიტედის“ ხელმძღვანელთა პასუხი ხსენებულ წინადადებაზე ჯერჯერობით უცნობია.
შეგახსენებთ, რომ პოგბა „იუვედან“ „მანჩესტერში“ 2016 წელს 105 მილიონი ევროს სანაცვლოდ გადავიდა. ფრანგისთვის ბრძოლაში ტურინელთა მთავარი კონკურენტი მადრიდის „რეალია“.
