პოლ პოგბასა და ჟოზე მოურინიოს შორის ურთიერთობა ისევ დაიძაბა. ბოლო სამი მატჩია ფრანგი ნახევარმცველი „მანჩესტერის“ ძირითად შემადგენლობაში ვერ ხვდება. მოურინიომ პოლს მენტალიტეტი დაუწუნა და აღნიშნა, რომ ისეთივე ხასიათი უნდა აჩვენოს, როგორც ამას სხვები აკეთებენ.
Tuttosport-ი კი წერს, რომ „იუვენტუსი“ სიტუაციით სარგებლობას აპირებს და ფეხბურთელის გადაბირებას იანვრის სატრანსფერო პერიოდში გეგმავს.
შეგახსენებთ, რომ პოგბას „იუვეში“ დაბრუნების შესახებ აქამდეც ბევრჯერ დაიწერა და სავარაუდოდ, მალე ყველაფერს ნათელი მოეფინება.