“იუვე” “ლიონს” ტურინში დაუპირისპირდება

ტურინის „იუვენტუსი“ ჩემპიონთა ლიგის მერვედფინალის საპასუხო მატჩი „ლიონთან“ „ალიანც სთედიუმზე“ გამართავს.

უეფამ ოფიციალურად დაადასტურა, რომ მატჩები ნეიტრალურ სტადიონებზე არ გაიმართება და მასპინძლები მეტოქეებს საკუთარ მოედანზე მიიღებენ.

შეგახსენებთ, რომ „იუვეს“ საფრანგეთში 0:1 აქვს წაგებული და საპასუხო მატჩი 7 აგვისტოს გაიმართება. მეოთხედფინალიდან ტურნირი ლისაბონში გაიმართება.