კორონავირუსის გამო არაა გამორიცხული „იუვენტუსი“ – „ლიონის“ შეხვდრა ნეიტრალურ მოედანზე გაიმართოს. „ლიონის“ პრეზიდენტმა ჟან-მიშელ ოლამ გუშინ ფრანგულ მედიასთან უეფას გადაწყვეტილების მიღება ურჩია.
„გადაწყვეტილებას უეფა მიიღებს, მაგრამ კორონავირუსის ფაქტები „ლიონთან“ მატჩის შემდეგ გამოვლინდა. თუნდაც „იუვეს“ 23 წლამდე გუნდი კარანტინში მოათავსეს, რომლის ოთხი წევრი მთავარ გუნდთან ერთად ვარჯიშობს.
უნდა დავაკვირდეთ განვითარებულ მოვლენებს, ღია ვართ უეფას ყველა გადაწყვეტილებისთვის, მაგრამ უარეს შემთხვევაში ნეიტრალურ მოედანზე თამაში დაგვჭირდება“, – თქვა ოლამ.
შეგახსენებთ, რომ „იუვენტუსისა“ და „ლიონის“ შეხვედრამდე ორი კვირაა დარჩენილი და 17 მარტს ახლანდელი ინფორმაციით, ჯერ კიდევ ტურინშია დაგეგმილი.