“იუვე” – “ლაციო”: ფეხბურთელთა შეფასებები

ტურინის „იუვენტუსმა“ 2019 წელი ცუდ ხასიათზე დაასრულა და იტალიის სუპერთასზე „ლაციოსთან“ დამარცხდა. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6.5 – რთულ მომენტებში შჩესნიმ რამდენჯერმე გადაარჩინა საკუთარი გუნდი. გაშვებულ გოლებში კი წვლილი არ მიუძღვის.

დე შილიო 5 – ლულიჩი პირველი გოლის დროს ძალიან ადვილად გაუმკლავდა. საშინელი თამაში ჰქონდა.

კუადრადო 5.5 – მისმა მოედანზე გამოსვლამ გუნდი უფრო თავდაჯერებული გახადა, მაგრამ დაცვაშიც ისიც შეცდა.

დემირალი 6 – ყველაზე მეტად ის იყო ფორმაში და სარიც ისევ ენდო. გოლებში დამნაშავე ნაკლებად იყო.

ბონუჩი 5.5 – „ლაციოს“ ორ გოლს უბრალოდ თვალს ადევნებდა. ცუდი თამაში ჩაატარა.

ალექს სანდრო 4.5 – პირველი გოლის ეპიზოდში პოზიციურად შეცდა, ახტა, მაგრამ ბურთი თავზე გადააფრინდა და „ლაციოს“ გოლი დაიბადა. მეორე გოლშიც მას მიუძღვის დიდი წვლილი, როდესაც ფლანგიდან მეტოქეს ადვილად და კარგად ჩააწოდებინა.

ბენტანკური 6 – თავიდან ლუის ალბერტოსთან გაუჭირდა, შემდეგ მოუმატა და ნახევარდაცვაში საუკეტესო იყო. წითელი ბარათი მაშინ მიიღო, როდესაც სუპერთასი პრაქტიკულად უკვე რომის გზაზე იდგა.

პიანიჩი 5.5 – თამაში მისგან ერთხელაც არ გამწვავებულა.

მატუიდი 5 – კალვარეზეს უმადლოდეს, რომ მე-9 წუთზე ლუის ალბერტოსთან უხეშობის გამო არ გააძევა. ძალიან ბევრი შეცდომა დაუშვა.

დუგლას კოშტა შ.გ – ბრაზილიელი აშკარად ცუდ ფორმაშია, თამაში ვერ გაამწვავა.

დიბალა 6.5 – სწორ ადგილას, სწორ დროს აღმოჩნდა. ის ბევრს ცდილობდა, მაგრამ საკმარისი არ გამოდგა.

იგუაინი 5 – შემტევ სამეულში ყველაზე მეტად ჩრდილში იყო.

რემზი 5.5 – თითქოს აქტიურად ჩაერთო თამაშში, მაგრამ ძალიან ბევრი შეცდომა დაუშვა და განსაკუთრებით ბოლო პასების დროს.

რონალდუ 6 – მისი თამაშის შემხედვარე, საშობაო პაუზა ცუდ დროს დაემთხვა, ყოველშემთხვევაში მისთვის. „იუვენტუსის“ ერთადერთ გოლში მისი წვლილი დიდია.