“იუვე” ჯარიმებში საუკეთესოა

კატალონიის „ბარსელონას“ თავდამსხმელი ლიონელ მესი შედეგიანი საჯარიმო დარტყმებით ბოლო 8 წლის განმავლობაში უკონკურენტოა. არგენტინელი არათუ ფეხბურთელებს, არამედ გუნდებსაც სჯაბნის.

ერთადერთი გამონაკლისი „იუვენტუსია“. 2011-2012 წლების სეზონიდან მოყოლებული მესიმ 25 ჯარიმა გაიტანა, ხოლო „იუვემ“ ამავე პერიოდში – 29.

ეს დიდწილად ანდრეა პირლოს დამსახურებაა, რომელსაც 15 ჯარიმა აქვს გატანილი. ასევე მირალემ პიანიჩისა და პაულო დიბალას.

2011-2012 წლების სეზონიდან კი, ტოპ ჩემპიონატებში გატანილი ჯარიმების მაჩვენებელი ასეთია:

„იუვენტუსი“ – 29 ჯარიმა

ლიონელ მესი – 25

„რეალი“ – 24

„ლიონი“ – 22

„რომა“, პსჟ – 21

„ლივერპული“ – 19