მთავარი / სიახლეები / სერია A / “იუვე” – “ინტერი”: ფეხბურთელთა შეფასებები

“იუვე” – “ინტერი”: ფეხბურთელთა შეფასებები

ტურინის „იუვენტუსმა“ სერია A-ს 26-ე ტურში დიდი იტალიური დერბი მოიგო და მილანის „ინტერი“ მართლაც დაჯაბნა. გოლები აარონ რემზიმ და პაულო დიბალამ გაიტანეს. გთავაზობთ ფეხბურთელთა შეფასებებს Calciomercato-ს ვერსიით.

შჩესნი 6 – ყოველთვის ყურადღებით იყო და სიტუაცია კონტროლის ქვეშ ჰყავდა. მაშინაც, როცა ფეხით თამაში უწევდა.

კუადრადო 6.5 – დაუბრუნდა მცველის პოზიციას და ეს უკვე სარისგან გზავნილია. დაცვაში იანგს ყურადღებით მეურვეობდა და შეტევასაც მუდმივად ამწვავებდა.

დე ლიხტი 7 – კარგია, ამ მომენტში დაცვაში ყველაზე კარგ ფორმაშია. მისი ზონიდან ხიფათი არ შექმნილა, მეორე სართულზე დომინანტობდა.

ბონუჩი 6.5 – ერთი კვირის წინ ალბათ ძირითადში ვერ მოხვდებოდა და კიელინის დაუთმობდა ადგილს, მაგრამ ახლა კარგი იყო. პუნქტუალური, წმენდდა დაცვას და „ლიონის“ საშინელი თამაში წარსულში დატოვა.

ალექს სანდრო 6.5 – „ინტერი“ მარჯვნიდან აქტიურობდა, მას პოზიცია პრობლემების გარეშე ეჭირა. კუნთების პრობლემის გამო შეცვალეს.

დე შილიო შ.გ – მისი თამაშში ჩართვა „იუვეს“ ლამის გოლად დაუჯდა.

რემზი 7.5 – ორმაგ ფაზაში ძალიან მოუმატა. პირველ ტაიმში ცოტა გაუჭირდა, მაგრამ მეორე ნახევარში შესანიშნავი იყო. აღმოჩნდა სწორ ადგილას და გახსნა ანგარიში, მერე დიბალასთან კარგად გაითამაშა კომბინაცია და საგოლე პასიც შეასრულა.

ბენტანკური 7.5 – ამ ეტაპზე პიანიჩზე გაცილებით საიმედოა. ის იცავდა თავსაც და იწყებდა შეტევებსაც. სწორედ მისგან დაიბადა მეორე გოლი. გამოცდა ფანტასტიკურად ჩააბარა.

მატუიდი 7 – რონალდუს ზურგს უმაგრებდა, მაგრამ ისევ ბევრი ბურთი დაკარგა. ამის მიუხედავად, პირველ გოლში მისი ძალიან დიდი წვლილია და გადამწყვეტი როლი შეასრულა.

დუგლას კოშტა 5.5 – ძირითადში მისი მოხვედრა სიურპრიზი იყო. ჯერჯერობით ფორმაში ისევ არაა.

დიბალა 7.5 – სწორი ხედვით ჩაერთო თამაშში, ფენომენალური გოლი გაიტანა.

იგუაინი 6 – სარის შეტევაში ფორვარდი სურს, თუმცა, „პიპიტას“ პრობლემები აქვს.

ბერნარდესკი შ.გ – ფედერიკომ მხოლოდ 10 წუთი ითამაშა.

რონალდუ 6.5 – როდესაც ბურთს იღებდა, ყოველთვის საშიში იყო. ამჯერად ვერ გაიტანა და ინდივიდუალური რეკორდი ვერ დაამყარა, მაგრამ „იუვეს“ მისი გოლები ამჯერზე არ დასჭირდა, რაც ალბათ ყველაზე მნიშვნელოვანი ინფორმაციაა.

შემთხვევითი სიახლე

გრავინა: “იუვენტუსს” სკუდეტოს მიღება სეზონის დაუსრულებლად არ უნდა”

იტალიის ფეხბურთის ფედერაციის პრეზიდენტმა გაბრიელე გრავინამ სერია A-ს მიმდინარე სეზონის განახლების შესახებ ისაუბრა. „ჩემპიონატის განახლება …

მარსელომ “იუვენტუსი” აირჩია

მადრიდის „რეალის“ მცველ მარსელოს „იუვენტუსში“ გადასვლა და მეგობარ კრიშტიანუ რონალდუსთან ერთად თამაში უნდა. Don Balon-ის …