“იუვე” დე ხეას უფასოდ დამატებას გეგმავს

ტურინის „იუვენტუსი“ იანვარში დავიდ დე ხეას დამატების გზების განხილვას დაიწყებს. Express-ის ცნობით, ესპანელი მეკარე იტალიის ჩემპიონის ინტერესის ქვეშ მოხვდა და იმედოვნებენ, რომ მომდევნო ზაფხულს ტურინში უსასყიდლოდ გადავა.

დე ხეას „მანჩესტერთან“ კონტრაქტი 2020 წლის ზაფხულში ეწურება და კონტრაქტის გახანგრძლივებას არ ჩქარობს. შესაბამისად, დიდი შანსია, რომ „ოლდ ტრაფორდი“ თავისუფალი აგენტის სტატუსით დატოვოს.

თუ „იუვე“ დე ხეას ყიდვას მოახერხებს, ვოიცეხ შჩესნი დიდი ალბათობით გუნდს დატოვებს, ეს კი კლუბს ინვესტიციას მოუტანს, რადგან პოლონელი შეიძლება სარფიანად გაყიდოს, ხოლო მის შემცვლელად დე ხეას მოყვანას უფასოდ აპირებს.

უნდა ვთქვათ ისიც, რომ გამოცდილ ესპანელს პსჟ-ც ეპატიჟება და ტურინელთა კონკურენტი იქნება სატრანსფერო ბაზარზე.