მთავარი / სიახლეები / “იუვე” დავიდე ასტორის პატივს კიდევ ერთხელ მიაგებს

“იუვე” დავიდე ასტორის პატივს კიდევ ერთხელ მიაგებს

იტალიის სერია A-ს მე-14 ტურში „იუვენტუსი“ „ფიორენტინას“ ესტუმრება. ფლორენციელთა ყოფილი კაპიტნის, დავიდე ასტორის გარდაცვალების შემდეგ „იუვე“ „არტემიო ფრანკიზე“ პირველად ითამაშებს.

როგორც იტალიური მედია იტყობინება, შეხვედრის დაწყებამდე „იუვენტუსის“ კაპიტანი ჯორჯო კიელინი ასტორის საპატივცემულოდ „ფიორენტინას“ სათადარიგო სკამთან ყვავილების თაიგულს მიიტანს. ეს იქნება ლამაზი ჟესტი იმ გუნდისკენ, რომლის ქომაგებსაც „იუვესთან“ მტრული დამოკიდებულება აქვთ.

აღსანიშნავია, რომ კიელინი „ფიორენტინას“ ღირსებას 2004-2005 წლების სეზონში იცავდა (გოლიც გაუტანა „იუვენტუსს“), ხოლო ასტორისთან ერთად იტალიის ნაკრებში არაერთხელ უთამაშია.

შეგახსენებთ, რომ დავიდე ასტორი 2018 წლის 4 მარტს, უდინეს ერთ-ერთ სასტუმროს ნომერში გარდაიცვალა. აქვე გეტყვით, რომ ტურინელი ფეხბურთელები ასტორის დაკრძალვას ფლორენციაში დაესწრნენ, მიუხედავად იმისა, რომ წინა საღამოს ლონდონში “ტოტენჰემთან” თამაში ჩაატარეს.

შემთხვევითი სიახლე

14 იუვენტინო ეროვნულ ნაკრებებში

ტურინის „იუვენტუსის“ 14 ფეხბურთელი უახლოესი ერთი კვირის განმავლობაში ეროვნული ნაკრების რიგებში გაირჯებიან. ფედერიკო ბერნარდესკი და …

რონალდუ პორტუგალიის ნაკრებში შეუფერხებლად ვარჯიშობს

ტურინის „იუვენტუსის“ თავდამსხმელი კრიშტიანუ რონალდუ პორტუგალიის ნაკრებს შეუერთდა და გუნდთან ერთად ემზადება. მიუხედავად იმისა, რომ …