იგუაინი 21 ნომრით ითამაშებს, 9 ნომერი იკარდის ელოდება?

ტურინის „იუვენტუსი“ სინგაპურში გაემგზავრა და კლუბის ოფიციალურ ვებგვერდზე იმ ფეხბურთელთა ჩამონათვალი განთავსდა, რომლებიც აზიაში ითამაშებენ.

კლუბთან ერთადაა გონსალო იგუაინიც, მაგრამ საინტერესოა, რომ „პიპიტა“ 9 ნომრით არ ითამაშებს. არგენტინელი განაცხადში 21-ნომრიანი მაისურითაა შეყვანილი, ხოლო ცხრიანი ისევ თვაისუფალია.

იტალიური მედიის ცნობით, 9 ნომერი ახალ მფლობელს ელოდება, რომელიც დიდი ალბათობით, მაურო იკარდი იქნება.

შეგახსენებთ, რომ იგუაინი „იუვეში“ 9 ნომრით 2016-2018 წლებში თამაშობდა, გასულ სეზონში კი, ეს ნომერი თავისუფალი იყო.