მთავარი / სიახლეები / გარსია: “შემდეგ ეტაპზე გასასვლელად ტურინში გოლი უნდა გავიტანოთ”

გარსია: “შემდეგ ეტაპზე გასასვლელად ტურინში გოლი უნდა გავიტანოთ”

ფრანგული „ლიონის“ მთავარმა მწვრთნელმა რუდი გარსიამ „იუვენტუსთან“ მატჩის შემდეგ ისაუბრა და კმაყოფილი დარჩა. ფრანგი სპეციალისტის განცხადებით, სახლში კარის მშრალად შენახვა მნიშვნელოვანი იყო და ახლა სტუმრად გოლის გატანას ეცდებიან.

„არ მწყდება გული, რომ მეორე გოლი ვერ გავიტანეთ, დარწმუნებული ვართ, რომ კარგი პირველი ტაიმი ვითამაშეთ, განსაკუთრებით შეტევაში. მნიშვნელოვანია, რომ სახლში გოლი არ გავუშვით.

ვფიქრობ, ნორმალურია „იუვენტუსთან“ სირთულეები, მაგრამ მომეწონა როგორ ვიბრძოდით და როგორ გვჯეროდა ამ გამარჯვების.

ჩვენ შევცვალეთ თამაშის ფაზები, პირველ წუთებში ცოტა მორიდებულები ვიყავით, შემდეგ კარგად ვითამაშეთ, გავაფართოვეთ თამაში და მოვახდინეთ შეტევა.

შემდეგ ეტაპზე გასვლა? ჯერ მხოლოდ პირველი ტაიმი დასრულდა და ახლა შესვენებაზე ვართ. კვალიფიცირება რთული იქნება, ახლა „იუვენტუს სთედიუმზე“ ერთი გოლი უნდა გავიტანოთ შემდეგ ეტაპზე გასასვლელად“, – თქვა გარსიამ.

შეგახსენებთ, რომ „იუვენტუსისა“ და „ლიონის“ საპასუხო მატჩი 17 მარტს გაიმართება.

შემთხვევითი სიახლე

პირლო: “თავდამსხმელი რაც შეიძლება მალე მჭირდება”

ტურინის „იუვენტუსის“ მთავარმა მწვრთნელმა ანდრეა პირლომ „ნოვარასთან“ ამხანაგური მატჩის (5:0) მოგების შემდეგ კომენტარი გააკეთა. იტალიელმა …

“იუვემ” ანდრეა პირლოს ხელმძღვანელობით პირველი მატჩი ჩაატარა [VIDEO]

ტურინის „იუვენტუსმა“ ანდრეა პირლოს ხელმძღვანელობით პირველი თამაში ჩაატარა. „ბებერი სინიორა“ ამხანაგურ მატჩში „ნოვარას“ გაეჯიბრა და …