სავალალო და საგანგაშო სტატისტიკა და ფაქტები “ლიონთან” მატჩის შემდეგ

ტურინის „იუვენტუსმა“ ჩემპიონთა ლიგაზე „ლიონთან“ მარცხი განიცადა. გთავაზობთ ამ მატჩის შემდეგ დაფიქსირებულ სტატისტიკურ მონაცემებს და ფაქტებს, რომელიც „ბებერი სინიორასთვის“ მხოლოდ საგანგაშო სიგნალია.

0 – „იუვენტუსს“ ჩემპიონთა ლიგის ბოლო ცხრა მატჩში გოლი ყოველთის გაჰქონდა, პოზიტიური სერია ლიონში შეწყდა.

2 – „იუვენტუსმა“ ჩემპიონთა ლიგის პირველი მერვედფინალური მატჩი ზედიზედ მეორედ წააგო მას შემდეგ, რაც შეჯიბრების ამ ეტაპზე მანამდე ზედიზედ 7 თამაში არ აგებდა.

2 – „იუვემ“ პლეი-ოფის სტადიაზე ბოლო სამი საგარეო მატჩიდან ორი წააგო და ეს უფრო მეტია, ვიდრე მანამდე ჩატარებულ 11 საგარეო შეხვედრაში განიცადა. ტურინელებს ფრანგულ გუნდთან წაგება 2009 წლის შემდეგ („ბორდოსთან“ 0:2) არ ჰქონდათ, მას მერე ფრანგული მეტოქეების წინააღმდეგ 4 თამაში მოიგო და ორჯერ ფრედ ითამაშა. „ლიონთან“ კი ისტორიაში პირველად დამარცხდა.

3 – 2004-2005 წლების სეზონიდან მოყოლებული მესამედ მოხდა, რომ „იუვემ“ ჩემპიონთა ლიგის მატჩი კარში დარტყმის გარეშე დაასრულა. მანამდე ორი შემთხვევა 2014 წელს „ატლეტიკოსთან“ და 2006 წელს „არსენალთან“ დაფიქსირდა.

26 – „იუვენტუსმა“ „ლიონთან“ მატჩში კარისკენ პირველად 26-ე წუთზე დაარტყა. მიმდინარე სეზონში ყველა თამაშში პირველი დარტყმა 22-ე წუთამდე ფიქსირდებოდა.