მთავარი / სიახლეები / ფაქტები და სტატისტიკა “ლოკომოტივთან” მატჩის შემდეგ

ფაქტები და სტატისტიკა “ლოკომოტივთან” მატჩის შემდეგ

ტურინის „იუვენტუსმა“ ჩემპიონთა ლიგის მეოთხე ტურში მოსკოვის „ლოკომოტივი“ დაამარცხა და მერვედფინალში თამაშის უფლება მოიპოვა. გთავაზობთ საინტერესო სტატისტიკურ მონაცემებსა და ფაქტებს, რომლებიც ამ მატჩის შემდეგ დაფიქსირდნენ.

300 – აარონ რემზის გოლი ჩემპიონთა ლიგაზე (ჩემპიონთა თასის გათამაშებაზე გატანილი გოლი არ ითვლება) „იუვენტუსისთვის“ მე-300 გამოდგა. „იუვე“ მეხუთე გუნდია, რომელმაც ამ ნიშნულს მიაღწია.

1 – აარონ რემზი პირველი ბრიტანელია, ვინც „იუვენტუსში“ გოლი გაიტანა ჩემპიონთა ლიგაზე/თასზე.

2008 -„იუვენტუსი“ მერვედფინალში ჯგუფური ეტაპის დასრულებამდე ორი ტურით ადრე 2008-2009 წლების სეზონის შემდეგ პირველად გავიდა.

1 – დუგლას კოშტამ ჩემპიონთა ლიგაზე „იუვენტუსის“ მაისურით პირველად გაიტანა. ბოლოს ამ ტურნირზე გოლი 2017 წლის მარტში „ბაიერნი“ – „არსენალის“ მატჩში ჰქონდა გატანილი.

4 – აარონ რემზის გოლი ყველაზე სწრაფია ჩემპიონთა ლიგაზე „იუვესთვის“ მას შემდეგ, რაც მარიო მანჯუკიჩმა 2018 წლის აპრილში „რეალს“ გაუტანა.

2 – ალექსეი მირანჩუკი პირველი ფეხბურთელია 2013 წლის შემდეგ, რომელმაც „იუვეს“ ჯგუფურ ეტაპზე გოლი ორივე თამაშში გაუტანა. ბოლოს ასეთი მიღწევით კრიშტიანუ რონალდუ „რეალის“ რიგებში გამოირჩა 2013-2014 წლების სეზონში.

2 – დუგლას კოშტა („შახტარი“, „ბაიერნი“, „იუვენტუსი“) ჩემპიონთა ლიგის ისტორიაში მეორე ფეხბურთელია, რომელმაც გოლის გატანა ცვლილებაზე შესულმა სამი სხვადასხვა გუნდის რიგებში მოახერხა. მანამდე იგივე ანდრე შურლეს მოეხერხებინა („ჩელსი“, „ვოლფსბურგი“, „დორტმუნდი“).

შემთხვევითი სიახლე

ბონუჩი: “იუვენტუსი” 7-თავიანი დრაკონია”

ლეონარდო ბონუჩიმ სოციალურ ქსელში „იუვენტუსის“ დასჯის შემდეგ კიდევ ერთი პოსტი გამოაქვეყნა. მან ინსტაგრამსთორიში დაწერა, რომ …

კასანო: “სხვა კლუბებიც უნდა დასაჯონ, წესი ყველასთვის ერთნაირი უნდა იყოს”

ვეტერანმა იტალიელმა ფეხბურთელმა ანტონიო კასანომ „იუვენტუსი“ დაიცვა. როგორც მან თქვა, კანონი ყველა კლუბისთვის ერთნაირი უნდა …