Juventus.Ge ტურინის იუვენტუსის ქართული ფან კლუბი
ტურინის „იუვენტუსმა“ ოფიციალურად დაადასტურა, რომ ფაბიო პარატიჩი ლუის სუარესის იტალიური ენის გამოცდის საქმეზე ეჭვმიტანილთა სიაშია.
ამჟამად, პარატიჩის პროკურატურისთვის ცრუ ინფორმაციის მიწოდებაში ედავებიან. ტურინული კლუბის ოფიციალურ განცხადებაში ნათქვამია, რომ ისინი დარწმუნებულნი არიან პარატიჩის უდანაშაულობაში და ამას გამოძიებაც დაადგენს.
„ჩვენ მტკიცედ ვიმეორებთ, რომ დარმუნებულნი ვართ პარატიჩის მუშაობის სისწორეში. მიმდინარე გამოძიება ხელს შეუწყობს მისი უდანაშაულობის დადგენას უმოკეს ვადაში“, – ნათქვამია განცხადებაში.
შეგახსენებთ, რომ „იუვენტუსის“ მენეჯერს სუარესის გამოცდის გაყალბების მომზადებაში ადანშაულებენ. ჯერჯერობით რა სანქცია დაეკისრება კონკურეტულად კლუბს დანაშაულის დამტკიცების შემთხვევაში უცნობია, მაგრამ იტალიური მედიის ცნობით, თუ ბრალდება დამძიმდება, ქვედა ლიგაში დაქვეითებაც არ იქნება გამორიცხული.
