“ეს რთული პერიოდია” – ბენატია “იუვენტუსში” უკმაყოფილოა

მეჰდი ბენატია დიდი ალბათობით იანვარში „იუვენტუსს“ დატოვებს. 31 წლის ფეხბურთელმა ბოლოს 11 ნოემბერს, „მილანთან“ ითამაშა და მას შემდეგ მასიმილიანო ალეგრის მოედანზე არ გაუყვანია.

გუშინ, ბენატიამ სოციალურ ქსელში სტატუსი გამოაქვეყნა და დაწერა, რომ მისთვის რთული პერიოდია:

„ეს რთული მომენტია. მადლობა ყველას ვინც ამ პერიოდში მხარს მიჭერს, განსაკუთრებით მაროკოელებს მსოფლიოს მასშტაბით. თუმცა, ეჭვგარეშეა, რომ წინ უნდა ვიყურო, რადგან ლომი არასდროს მოკვდება“, – დაწერა ბენატიამ სოციალურ ქსელში.

მეჰდის „იუვენტუსთან“ კონტრაქტი 2020 წლის ზაფხულამდე აკავშირებს, ხოლო იტალიური მედია იტყობინება, რომ მაროკოელს „შალკე“, „დორტმუნდი“, „მარსელი“ და პრემიერლიგის გუნდები ეპატიჟებიან.

„იუვენტუსი“ კია ბენატია შემცვლელად იანვრის სატრანსფერო პერიოდში „ტულუზას“ 18 წლის მცველ ჟან-კლერ ტოდიბოს განიხილავს.