ემრე ჯანმა ინდივიდუალური პროგრამით ვარჯიში დაიწყო

ტურინის „იუვენტუსის“ ნახევარმცველმა ემრე ჯანმა ვარჯიში დაიწყო, ოღონდ ინდივიდუალური პროგრამით. 24 წლის ფეხბურთელი „იუვეს“ ექიმების დაკვირკვების ქვეშ იმყოფება.

თუმცა, სრულ გამოჯანმრთელებამდე ჯერ ადრეა. მის დაბრუნებას დეკემბრის ბოლოს ან იანვარში ვარაუდობენ.

შეგახსენებთ, რომ ემრე ჯანმა 29 ოქტომბერს ფარისებრი ჯირკვლის ოპერაცია გაიკეთა. მიმდინარე სეზონში გერმანელმა იტალიის ჩემპიონატში 8 თამაში ჩაატარა და 1 საგოლე პასი გააკეთა.