მთავარი / სიახლეები / ემრე ჯანი: “კონცენტრაცია უნდა შევინარჩუნოთ”

ემრე ჯანი: “კონცენტრაცია უნდა შევინარჩუნოთ”

ტურინის „იუვენტუსის“ ნახევარმცველმა ემრე ჯანმა „ნაპოლისთან“ (2:1) გამარჯვების შემდეგ ისაუბრა. გერმანელმა ფეხბურთელმა ამ შეხვედრაში გოლის გატანაც შეძლო და გამარჯვებაში დიდი წვლილი შეიტანა.

„ბედნიერები ვართ, ვიცით, რომ მეტი შეგვეძლო, მაგრამ ამ ძალიან მნიშვნელოვანი გამარჯვებით კმაყოფილები ვართ. ჩემი საუკეთესო თამაში მიმდინარე სეზონში? არ ვიცი, მე მაქსიმუმს ვაკეთებ გუნდის დასახმარებლად და ვგრძნობ, რომ ნელ-ნელა საუკეთესო ფორმას ვუახლოვდები, ამისთვის ვმუშაობ.

16-ქულიანი უპირატესობა მნიშვნელოვანია, ყველამ ვიცოდით, რომ ამ მატჩის მოსაგებად ყველაფერი გაგვეკეთებინა. თუმცა, ჩვენ წინ ბევრი ბრძოლა გველოდება და კონცენტრაცია უნდა შევინარჩუნოთ“, – განაცხადა ემრე ჯანმა.

შეგახსენებთ, რომ „იუვენტუსი“ მომდევნო შეხვედრას შინ „უდინეზესთან“ გამართავს.

შემთხვევითი სიახლე

Marca-მ რონალდუ ყველა დროის საუკეთესო ფეხბურთელად დაასახელა

ტურინის „იუვენტუსის“ თავდამსხმელი კრიშტიანუ რონალდუ ესპანური Marca-ს ვერსიით, ყველა დროის საუკეთესო ფეხბურთელად დასახელდა. მადრიდულმა გამოცემამ …

დიბალა: “ალეგრიმ მანჯუკიჩისთვის თავის გაწირვა მთხოვა”

ტურინის „იუვენტუსის“ თავდამსხმელმა პაულო დიბალამ განაცხადა, რომ როდესაც ტურინში გადავიდა, მასიმილიანო ალეგრიმ მარიო მანჯუკიჩისთვის თავის …