ემრე ჯანი: “იუვეში” კარგად ვარ, მაგრამ რა მოხდება მომავალში, არავინ იცის”

ტურინის „იუვენტუსის“ ნახევარმცველი ტელეკომპანია DAZN-თან ისაუბრა და განაცხადა, რომ ტურინული გარემო ძალიან მოსწონს.

„მომავალი? „იუვეში“ კარგად ვარ, ვგრძნობ, რომ შესანიშნავ ადგილზე ვარ, მაგრამ ფეხბურთში ყველაფერი შეიძლება მოხდეს. ფეხბურთელის პროფესიონალური კარიერა 15-20 წელი გრძელდება და ამ პერიოდში მაქსიმუმის გაღებაა საჭირო. ფეხბურთში ზეწოლა უზარმაზარია.

ტურინი ძალიან მომწონს ისტორიული ნაგებობებით, მაგრამ ყველაზე მეტად შთაბეჭდილება ჩემზე გარემომ მოახდინა. ვიცოდი, რომ ლამაზი ქალაქი იყო, მაგრამ ამდენს არ ველოდი.

მამაჩემი ჩემს ბავშვობაში მშენებლობაზე მუშაობდა და ვიცი შრომის ფასი. ჯერჯერობით არ აქვს მნიშვნელობა რა გზა გავაირე კარიერაში, მაგრამ სადაც მითამაშია, საკუთარი ადგილი ყველგან ვიპოვე“, – თქვა ემრე ჯანმა.