ტურინის „იუვენტუსის“ ნახევარმცველმა დუგლას კოშტამ „უდინეზესთან“ გოლი გაიტანა და თანაგუნდელებს გამარჯვებაში დაეხმარა. ბრაზილიელმა მატჩის შემდეგ განაცხადა, რომ თავს კარგად გრძნობს და ნელ-ნელა ვითარდება.
„კარგი საღამო იყო, კარგად ვითამაშეთ, თუმცა მატჩი ადვილი არ ყოფილა. თავს კარგად ვგრძნობ, ვიზრდები, მნიშვნელოვანი იყო ძირითადში თამაშის დაწყება, ნაბიჯ-ნაბიჯ ჩემი ფიზიკური მდგომარეობა უმჯობესდება. სარისთან თავს კომფორტულად ვგრძნობ, არ მაქვს რჩეული ტაქტიკური სქემა, თამაშის სიტუაციას ვერგები“, – განაცხადა კოშტამ.
შეგახსენებთ, „იუვენტუსი“ იტალიის თასის მეოთხედფინალში „რომას“ ან „პარმას“ დაუპირისპირდება.