მთავარი / სიახლეები / დიბალა: “ფეხბურთი ძალიან მენატრება, ბურთთან შეხება მინდა”

დიბალა: “ფეხბურთი ძალიან მენატრება, ბურთთან შეხება მინდა”

ტურინის „იუვენტუსის“ თავდამსხმელ პაულო დიბალას ფეხბურთი მოენატრა. ამის შესახებ არგენტინელმა ინტერვიუში განაცხადა.

„არ მეგონა, რომ ფეხბურთი ასე ძალიან მომენატრებოდა. თამაში მინდა, თანაგუნდელების ნახვა, ბურთთან შეხება. სახლში ვთამაშობ, მაგრამ იგივე არაა. არ ვიცით როდის დავბრუნდებით, ეს არაა გამოწერილი შვებულება. ახლა ერთადერთი რაც შეგვიძლია დასვენება და ფორმის შენარჩუნებაა.

სახლში იზოლაციაში დიდი ყოფნა აუცილებლად მიგვიყვანს ახალ საქმიანობამდე. ვცდილობ იოგა ვისწავლო და ეს ძალიან მეხმარება“, – აღნიშნა დიბალამ.

შეგახსენებთ, რომ პაულო დიბალა 21 მარტიდან კორონავირუსს ებრძვის და ოფიციალურად მისი გამოჯანმრთელება ჯერ არ დადასტურებულა.

შემთხვევითი სიახლე

“ლიდსმა” მაკკენის შეუთანხმდა, “იუვესთან” მოლაპარაკებები გრძელდება

ტურინის „იუვენტუსის“ ნახევარმცველი ვესტონ მაკკენი „ლიდს იუნაიტედში“ გადასვლასთან ახლოსაა. იტალიური მედიის ცნობით, 24 წლის ფეხბურთელსა …

პოგბა და ვლაჰოვიჩი “მონცასთან” მატჩისთვის მზად იქნებიან: ტესტმა კარგი პასუხი აჩვენა

ტურინის „იუვენტუსისთვის“ ურთულეს პერიოდში კარგი ამბავიცაა, რადგან დუშან ვლაჰოვიჩი და პოლ პოგბა სათამაშოდ მზად არიან. …