დეკო: “იუვე” თუ “ატლეტიკოს” დაამარცხებს, ჩემპიონთა ლიგასაც მოიგებს”

ვეტერანი პორტუგალიელი ფეხბურთელი დეკო სოუზა კრიშტიანუ რონალდუსა და „იუვენტუსის“ შესახებ იტალიურ მედიასთან საუბრობს.

მისი თქმით, რონალდუ ტურინულ გუნდში სწორ დროს გადავიდა, ხოლო „იუვენტუსი“ თუ „ატლეტიკოს“ ბარიერს დაძლევს, ჩემპიონთა ლიგასაც მოიგებს.

„იტალიურ ფეხბურთში მისი სწრაფი ადაპტაცია ჩემთვის გასაკვირი სულაც არაა. კრიშტიანუ ფეხბურთის ისტორიაში ერთ-ერთი საუკეთესოა და სამაგალითი პროფესიონალო. ვფიქრობ, „იუვენტუსში“ საუკეთესო მომენტსა და ასაკში მივიდა.

„იუვე“ „ატლეტიკოსთან“ 0:2-ს ამოქაჩავს? თუ „იუვე“ ამ ქამ-ბექს მოახერხებს, დარწმუნებული ვარ ჩემპიონთა ლიგასაც მოიგებს. მჯერა ეს იქნება დიდი ძალის დემონსტრირება, რომელიც ფინალს იმსახურებს“, – განაცხადა დეკომ

შეგახსენებთ, რომ „იუვენტუსისა“ და „ატლეტიკოს“ შეხვედრა ზუსტად 1 კვირაში, 12 მარტს გაიმართება.