დე შილიო: “მორალური კუთხით გამარჯვება მნიშვნელოვანი იყო”

ტურინის „იუვენტუსის“ მცველმა მატია დე შილიომ „ბოლონიასთან“ (1:0) შეხვედრის შემდეგ კომენტარი გააკეთა. იტალიელი ფეხბურთელის განცხადებით, ეს გაამრჯვება მორალური კუთხით ძალიან მნიშვნელოვანი იყო.

„დღეს გამარჯვება მნიშვნელოვანი იყო, რომ „ნაპოლისთან“ უპირატესობა შეგვენარჩუნებინა, მაგრამ განსაკუთრებით მორალური თვალსაზრისით. ეს რთული ბრძოლა იყო და ვიცოდით, რომ ასეც იქნებოდა, მაგრამ კარგად გავართვით თავი.

ჩვენ შესანიშნავი სეზონი გვაქვს, მაგრამ საკმარისია ერთი თამაში ჩააგდო და დისკუსია იწყება. შესაბამისად, ასეთ მომენტში სიტყვები ნაკლებად საჭიროა და სამუშაოზე უნდა ვიფიქროთ, რომელსაც შედეგები მოჰყვება.

ნეაპოლში ყველაფერი უნდა გავაკეთოთ, რომ ქულათა სხვაობა გავზარდოთ. გარდა ამისა, ეს იქნება „ატლეტიკოსთან“ საპასუხო მატჩისთვის მოსამზადებელი შეხვედრა“, – თქვა დე შილიომ.

შეგახსენებთ, რომ „ნაპოლისა“ და „იუვენტუსის“ შეხვედრ 3 მარტს გაიმართება.